नेपालकाे शानदार जीत

पोखरा । नेपालले टी-ट्वान्टी क्रिकेट आयरल्याण्ड वोल्भ्सलाई पराजित गरेको छ । आयरल्याण्ड वोल्भ्सले दिएको एक सय २२ रनको लक्ष्य नेपालले १६दशमलव १ ओभरमा चार विकेट गुमाउँदै पूरा गरेको थियो ।

नेपालको जितमा कुशल भुर्तेलले अविजित ३७, सन्दीप जोराले ३६, दिपेन्द्र सिंह ऐरीले अविजित २० तथा आसिफ सेखले १६ रन बनाए ।

यसअघि खेलमा नेपालले टस जितेर फिल्डिङ गर्दै आयरल्याण्डलाई एक सय २१ रनमै रोकेको थियो । आयरल्याण्डले सबै विकेट गुमाएर २० ओभरमा एक सय २१ रन बनाएको हो । स्टेफेन डोहेन्रीले ३९ बलमा ४६ रन जोडे ।

नेपालका लागिकुशल भुर्तेल, गुल्सन झा र ललित राजवंशीले समान दुई-दुई विकेट लिए । करण केसी र कुशल मल्लले एक-एक विकेट लिए ।

नेपाली राष्ट्रिय टिमले आयरल्याण्ड एसँग सोमबार र मंगलबार गरी दुई टी-ट्वान्टी खेल खेल्दैछ ।

त्यसपछि नेपाली राष्ट्रिय क्रिकेट टिमले भारतको गुजरात र बरोडासँग भारतको गुजरातको भापीमा टी-ट्वान्टी फ्रेन्डशिप कप खेल्दै छ ।

मार्च ३१ देखि अप्रिल ७ सम्म हुने यस टी-ट्वान्टी कप त्रिकोणीय श्रृंखला हुने छ । नेपालले आगामी टी-ट्वान्टी क्रिकेट विश्वकपको तयारी स्वरूप यो फ्रेन्डशिप कप खेल लागेको हो ।