पोखरा । नेकपा एमाले कास्कीको जिल्ला सदस्यमा धादिङका वीरबहादुर थापा विजयी भएका छन् ।
थापा पार्टीको कास्की क्षेत्र नं. १ (ख) भूगोल खुलाबाट जिल्ला सदस्यमा विजयी भएका हुन् ।
धादिङ त्रिपुरासुन्दरी गाउँपालिका निवासी थापाले यसअघि नेकपा एमाले पोखरा-१२ को नेतृत्वमा रहेर काम गरेका थिए ।
उनी नेकपा एमाले धादिङ-पोखरा सम्पर्क मञ्चका पूर्व अध्यक्षसमेत हुन् । थापा करिब तीन दशक पोखरामा रहेर निर्माण व्यवसायमा आवद्ध छन् ।