पोखराकामा पत्रकारद्वय पराजुली र भण्डारी सम्मानित

पोखरा । पोखरामा अग्रज पत्रकारद्वय गंगाधर पराजुली र राजु भण्डारी पुरस्कृत भएका छन् । पोखरा पत्रकारिता सम्मान २०७९ पराजुलीलाई र २०८० भण्डारीलाई प्रदान गरिएको हो ।

उनीहरुलाई नेपाल पत्रकार महासङ्घको ६९औँ स्थापना दिवसका अवसरमा आयोजित कार्यक्रममा गण्डकीका मुख्यमन्त्री सुरेन्द्रराज पाण्डेले पुरस्कार अर्पण गरेका हुन् ।

पराजुलीलाई व्यक्तिगततर्फ विसं २०७९ को सम्मान र भण्डारी र उनका परिवारजनलाई संस्थागततर्फ २०८० को सम्मान प्रदान गरिएको भनाइ छ ।

पोखरा पत्रकारिता सम्मानको राशि ५० हजार पाँच सय ५५ रुपैयाँ पराजुलीले प्राप्त गरे भने भण्डारी परिवारलाई पत्रकार महासंघको संस्थागत विकासमा टेवा पुर्‍याएकोमा सम्मान गरिएको हो ।

सम्मानित पराजुली राष्ट्रिय समाचार समिति (रासस) को पूर्वसञ्चालक, न्यूनतम् पारिश्रमिक निर्धारण समितिका पूर्वअध्यक्ष उनी लामो सयमदेखि पत्रकारितामा क्रियाशील छन् ।