कालिका गणको स्थापना दिवसमा रक्तदान, ६६ युनिट रगत संकलन

पोखरा । सशस्त्र प्रहरी बल नेपाल नं.१४ कालिका गणमा रक्तदान कार्यक्रम सम्पन्न भएको छ ।

गणकाे १९ औँ स्थापना दिवसको अवसरमा आयोजित कार्यक्रममा ६६ युनिट रगत संकलन भएको बताइएको छ । उक्त रगत प्रादेशिक रक्तसञ्चार सेवा पोखरालाई हस्तान्तरण गरिएको छ ।

स्थापना दिवसको अवसरमा गणले एकल तथा अन्य संघसंस्थासँंग जोडिएर खेलकुद, विपद्सम्बन्धी सचेतना तथा डेमोस्ट्रेसन, मठमन्दिर सरसफाई, वृक्षरोपण र रक्तदान कार्यक्रम गरेको छ ।

कालिका गण गण्डकी प्रदेशमा विपद् उद्धारक युनिटका रुपमा परिचित छ ।