पोखरा । नेकपा एमाले कास्कीको ११औं अधिवेशनबाट निर्वाचित पदाधिकारी तथा सदस्यहरुको शपथ ग्रहण आज हुँदैछ ।
पार्टी अध्यक्ष एवं पूर्वप्रधानमन्त्री केपी शर्मा ओलीको उपस्थितिमा सपथ ग्रहण कार्यक्रम तय गरिएको एमाले कास्कीका सचिव दर्शन लामाले जानकारी दिए ।
शपथ ग्रहणसँगै बृहत कार्यकर्ता भेलासमेत हुने बताइएको छ । कार्यक्रम बिहान १० बजे पोखरा सभागृहमा हुनेछ ।
एमाले कास्कीको हालै सम्पन्न ११औं अधिवेशनले अध्यक्षमा बैनबहादुर अधिकारी क्षेत्रीको नेतृत्वमा नयाँ कार्यसमिति चयन गरेको थियो ।
पार्टीको उपाध्यक्षमा भेषराज बराल, सचिवमा दर्शन लामा, उपसचिवमा लालबहादुर परियार सन्तुदेवी सुवेदी छन् ।
पोखराको कार्यक्रम सकेर अध्यक्ष ओली स्याङ्जा जिल्ला अधिवेशन उद्घाटन गर्न जाने कार्यक्रम छ ।
