पोखरा । धनगढीबाट काठमाडौंका लागि उडेको श्री एयरलाइन्सको जहाज डाइभर्ट गरी पोखरामा अपतकालीन अवतरण गरिएको छ ।
बिहान १० बजे धनगढीबाट उडेको २२२ जहाजमा प्राविधिक समस्या देखिएपछि पोखरा विमानस्थलमा आपतकालीन अवतरण गरिएको बताइएको छ ।
पोखरास्थित श्री एयरलाइन्सको कार्यालयका अनुसार इन्डिकेटरमा समस्या देखिएपछि पोखरामा आपतकालीन अवतरण गरिएको हो । सो विमानमा सवार यात्रुलाई अर्को जहाज मगाएर काठमाडौं पठाइएको बताइएको छ ।
पोखरामा आपतकालीन अवतरण गरिएको जहाको प्राविधिक परीक्षक गरिएको छ । सो जहाजमा जान यात्रु नमानेको विमानस्थलका एक कर्मचारीले जानकारी दिए ।
