पोखरा । म्याग्दीमा शुक्रबार दिउँसो बस दुर्घटना हुँदा चालकसहित २७ जना घाइते भएका छन् ।
घाइतेमध्ये चार जनाको अवस्था गम्भीर रहेकाले थप उपचारका लागि पोखरा ल्याइएको छ । उनीहरुको मणिपाल शिक्षण अस्पतालमा उपचार भइरहेको छ ।
अन्य २३ जना घाइतेको बेनी अस्पतालमा उपचार भइरहेको जिल्ला प्रहरी कार्यालयका प्रहरी निरीक्षक कुमार गुरुङले जानकारी दिए ।
बेनीबाट घोडेपानीका लागि छुटेका ग१ख ५६५५ नम्बरकोे बस बेनी नगरपालिका वडा नं. ८ बेनी-गलेश्वर सडकखण्डअन्तर्गत जलेश्वर नजिकै दुर्घटना भएको हो ।
