आँधीखोलामा डुबेर बालकको मृत्यु

स्याङ्जा । स्याङ्जाको आँधीखोलामा पौडी खेल्ने क्रममा डुबेर आज बिहान एक बालकको मृत्यु भएको छ ।

मृत्यु हुनेमा गल्याङ नगरपालिका-२ गराङ्दीका १४ वर्षीय युनिक राना रहेका छन् ।

गल्याङ प्रहरी चौकीका अनुसार उनीसहित छ जना साथी पौडी खेल्न गएका थिए । राना पानीको रहमा डुबेपछि स्थानीयवासीले गल्याङ प्रहरी चौकीलाई खबर गरेका थिए । बिहान १० बजे रहमा बेपत्ता भएका रानाको खोजी गर्दा मृत फेला परेका हुन् ।

रानाको शव परीक्षणका लागि वालिङस्थित गह्रौं प्राथमिक अस्पतालमा पठाइएको गल्याङ प्रहरी चौकीले जनाएको छ । रानासँगै पौडी खेल्न गएका उनका साथीलाइ प्रहरीले सोधपुछ थालेको छ ।