पोखरा । आज शुक्रबार सुनमा हालसम्मकै उच्च मूल्य कायम भएको छ । चैत ३० गते छापावाला सुन प्रतितोला एक लाख ३९ हजार रुपैयाँ पुगेको हो ।
योसँगै २०८० सालभर सुनको मूल्यमा ४४ हजार रुपैयाँ वृद्धि भएको छ । २०७९ चैत ३० गते छापावाला सुनको मूल्य प्रतितोला ९४ हजार नाै सय ९५ रुपैयाँ रहेको थियो ।
यस्तै, तेजाबी सुनको मूल्यसमेत सोही दरमा वृद्धि हुँदै वर्षको अन्तिम कारोबार दिन शुक्रबार प्रतितोला एक लाख ३८ हजार तीन सय ५० रुपैयाँ पुगेको छ ।
यता चाँदीको मूल्य भने वर्षभरिमा तोलामा पाँच सय ३२ रुपैयाँ बढ्दै एक हजार सात सय ७५ रुपैयाँ कायम भएको छ ।
