पोखरा । पोखरा महानगरपालिका वडा नं. २५ सुइँखेतमा बस दुर्घटना हुँदा घाइते भएका एक जनाको मृत्यु भएको छ ।
मृत्यु हुनेमा म्याग्दीको मालिका गाउँपालिका वडा नं १ दरवाङका ७२ वर्षीय नरबहादुर पुन रहेका छन् ।
जिल्ला प्रहरी कार्यालय कास्कीका अनुसार पुनको गण्डकी मेडिकल कलेजमा उपचारकै क्रममा आज साँझ ६ः३० बजे चिकित्सकले मृत घोषणा गरेको हो ।
गत चैत २९ गते २७ जना यात्रु बोकेर काठमाडौंबाट पोखरा हुँदै म्याग्दी जाँदै गरेको ग२ख १६३० नं.को बस राति २ः५० बजे अनियन्त्रित भई सुईखेतमा दुर्घटनाग्रस्त भएको थियो । सो दुर्घटनामा आठ जना यात्रु घाइते भएकामा सात जना डिस्चार्ज भइसकेका छन् ।
बस सहचालक म्याग्दीको बेनी ४ तातोपानीका २५ बर्षीय बिनोद दर्जीले चलाएको पाइएकोले उनलाई प्रहरी नियन्त्रणमा राखिएको छ भने चालक बेनी ६ का बर्ष ३२ का राजकुमार गैरे पनि प्रहरी नियन्त्रणमै छन् ।