पोखरा । पोखरामा मोटरसाइकलमा आगलागी हुँदा जलेर पूर्णरुपमा क्षति भएको छ ।
पोखरा महागरपालिका वडा नं. ७ एयरपोर्ट अगाडि आज दिउँसो २ बजे रोकिराखेको मोटरसाइकलमा आगलागी भएको हो ।
पर्वत कुश्मा नगरपालिका वडा नं. १३ घर भइ हाल पोखरा-२ मिरूवा बस्ने शरुण नेपालीको ग६प ५४३० नं. को मोटरसाइकलमा एक्कासि आगलागी भएको जिल्ला प्रहरी कार्यालय कास्कीले जनाएको छ ।
आगलागी भएको सूचना पाएपछि वडा प्रहरी कार्यालय बैदामबाट प्रहरी टोलीले आगो नियन्त्रणमा लिएको थियो ।
आगलागीबाट जलेर मोटरसाइकल पूर्णरुपमा क्षति भएको प्रहरीले जनाएको छ । आगलागीबारे अनुसन्धान भइरहेको प्रहरीले जनाएको छ ।
आइतबार पोखरा-२९ भण्डारढिकमा पनि स्कुटरमा आगलागी भएर पूर्णरुपमा क्षति भएको थियो ।
