तनहुँमा छोराद्वारा बुबाको हत्या

पोखरा । तनहुँमा एक वृद्ध व्यक्तिको हत्या भएको छ । तनहुँको म्याग्दे गाउँपालिका वडमा नं. ६ घर भइ हाल शुक्लागण्डकी नगरपालिका वडा नं. ६ घारीस्थित बस्दै ७६ वर्षीय रापबहादुर विकको हत्या भएको जिल्ला प्रहरी कार्यालय तनहुँले जनाएको छ ।

प्रहरीका अनुसार बिहीबार दिउसो रापबहादुरकै छोरा २६ वर्षीय दीपक विकले चक्कु प्रहार गरेर उनको हत्या गरेका हुन् । रापबहादुर केही समयदेखि घारीस्थित छोरीको घरमा बस्दै आएका थिए ।

दीपकलाई नियन्त्रणमा लिएर हत्यासम्बन्धमा आवश्यक अनुसन्धान भइरहेको जिल्ला प्रहरी कार्यालयका प्रहरी नायब उपरीक्षक दीपककुमार रायाले जानकारी दिए ।