फेवातालमा डुंगा दुर्घटना, पाँच जनाको सकुशल उद्धार

पोखरा । फेवातालमा मंगलबार दिउँसो डुंगा दुर्घटना भएको छ । सो दुर्घटनामा परेर तालमा डुबेका पाँच जनाको सकुशल उद्धार गरिएको छ ।

दिउँसो करिब ३ बजे अचानक हावाहुरी चल्दा सो दुर्घटना भएको सशस्त्र प्रहरीले जनाएको छ ।

डबल प्याडल बोटमा बोटिङ गरिरहेका काठमाडौं महानगरपालिका-२९ अनामनगर बस्ने ३० वर्षीय विक्रम मिकरानी, २६ वर्षीया आशिफा भानु, ५४ वर्षीया अनैजा दिल शाह र आठ वर्षीया रजिना खातुन र डेढ वर्षीया मीरा रानी तालमा अड्किएका थिए ।

फेवाताल रेस्क्यु वाच टावरमा खटिएको विपद् व्यवस्थापनसहितको टोलीले उनीहरूको सकुशल उद्धार गरेको सशस्त्र प्रहरी बल कालिका गणका गणपति अरुणकुमार शर्माले जानकारी दिए ।