पोखरा । गण्डकी प्रदेश प्रहरी कार्यालयको प्रमुखमा प्रहरी नायब महानिरीक्षक (डीआइजी) दुर्गा सिंह चन्दले जिम्मेवारी पाएकी छन् ।
सरकारका उपप्रधान एवं गृहमन्त्री रवि लामिछानेले डीआइजी चन्दलाई गण्डकी प्रदेश कार्यालय प्रमुखको जिम्मेवारी सुम्पिएका हुन् ।
चन्द यसअघि काठमाडौँ उपत्यका प्रहरी कार्यालयमा कार्यरत थिइन् ।
यसअघिका प्रदेश प्रहरी कार्यालय गण्डकी प्रमुख डीआइजी विकासराज खनालले अघिल्लो साता अवकास पाएपछि सो पद रिक्त थियो ।
उनले ५६ वर्षीय उमेर हदका कारण वैशाख ६ मा अवकास पाएका थिए ।
