पोखरा । पोखरा महानगरपालिका वडा नं. ५ स्थित पोखरा-बागलुङ राजमार्गमा गएराति कार दुर्घटना भएको छ ।
पोखराको छोरेपाटनका प्रकाश रेग्मीले मादक पदार्थ सेवन गरी कार लगाउँदा सडकको डिभाइडरमा ठोक्किएर दुर्घटनमा परेको हो ।
सिर्जनाचोकबाट मालेपाटनतर्फ जाँदै गर्दा बा११च ७७३५ नम्बरको कार राति १२ः३० बजे नेपाल विद्युत प्राधिकरणको कार्यालय अगाडि डिभाइडरमा ठोक्किएको हो ।
दुर्घटनामा मानवीय क्षति भने नभएको जिल्ला प्रहरी कार्यालय कास्कीले जनाएको छ । दुर्घटनामा परी सडकमै तेर्सिएको कारलाई साेमबार बिहान ४ः३० बजे हटाइएको थियो ।
रेग्मीले मापसे गरि तीव्र गतिमा कार चलाएका कारण दुर्घटनामा परेको प्रहरीको अनुमान छ ।
