जवरजस्ती करणी मद्दामा भागेका स्याङ्जाका गुरुङ पोखरामा पक्राउ

पोखरा । जवरजस्ती करणी मद्दामा फरार रहेका प्रतिवादी पक्राउ परेका छन् ।

पक्राउ पर्नेमा स्याङ्जाको चापाकोट नगरपालिका वडा नं. ७ घर भई हाल पोखरा महानगरपालिका वडा नं. १५ क्रान्तिटोल बस्दै आएका ३७ वर्षीय पूर्णबहादुर गुरुङ रहेका छन् ।

जिल्ला अदालत कास्कीले २०७९ कात्तिक २३ गते जबरजस्ती करणी मुद्दामा गुरुङबिरुद्ध ११ बर्ष कैद सजाय र २५ हजार रुपैयाँ जरिवाना र दुई हजार दुई सय रुपैयाँ पीडित राहत कोषमा जम्मा गराउने फैसला गरेको थियो ।

त्यसैबेलादेखि उनी फरार रहँदै आएका थिए । उनको खोजी गर्नेक्रमममा वडा प्रहरी कार्यालय रामबजारको टोलीले गुरुङलाई पक्राउ गरी आज आवश्यक कारबाहीका लागि अदालत पेस गरिएको कास्की प्रहरीका सूचना अधिकारी प्रहरी नायव उपरीक्षक वसन्त कुमार शर्माले जानकारी दिए ।