वैदेशिक रोजगार : कास्कीका २२ जनाको मृत्यु

पोखरा । वैदेशिक रोजगारीका सिलसिलामा चालु आर्थिक वर्षको ९ महिनामा कास्कीका २२ जनाले ज्यान गुमाएका छन् । मृतक सबै पुरुष हुन् । यस्तै, १५ जना अंगभंग तथा बिरामी भएका छन् ।

वैदेशिक रोजगार बोर्ड, कन्सुलर सेवा विभाग तथा आप्रवासी स्रोत केन्द्रको प्रतिवेदनअनुसार वैदेशिक रोजगारी क्रममा सबैभन्दा बढीले ज्यान गुमाउने जिल्लामा गण्डकीमा नवलपुर पहिलो रहेको छ । दोस्रोमा बागलुङ र कास्की तेस्रोमा छ ।

चालु आवको ९ महिना (चैतसम्म) कास्कीका १२ हजार तीन सय ३४ जना वैदेशिक रोजगारीमा गएका छन् । जसमा पुरुषको संख्या निकै धेरै छ । वैदेशिक रोजगारमा एक हजार छ सय ९२ जना महिला पुगेकोमा पुरुषको संख्या १० हजार छ सय ४१ जना छन् ।

मध्ये श्रम स्वीकृत लिएर वैदेशिक रोजगारमा जानेको महिलाको संख्या एक हजार पाँच सय १७ र पुरुषको संख्या १० हजार दुई सय ७७ छ । वैदेशिक रोजगारीमा गण्डकीअन्र्तत कास्कीका महिला सबैभन्दा बढी गएका छन् ।

गण्डकीबाट भने एक लाख छ हजार ४४ जना वैदेशिक रोजगारीमा छन् । तीमध्ये महिला १० हजार ७ सय २ छन् । यस अवधिमा जसमा १ हजार ६ सय ९२ महिला हुन् ।

हाल एक सय ११ राष्ट्रमा श्रम आप्रवासनका लागि संस्थागतरुपमा खुला गरिएको छ । नेपाली पुरुषका लागि सबैभन्दा मुख्य गन्तव्य मलेसिया हो भने महिलाको युएई । नेपालबाट गत चैतसम्म ५ लाख ३९ हजार मानिस वैदेशिक रोजगारीमा गए ।

एक हजार दुई सय आठ जनाको मृत्यु भयो भने तीन सय ३५ जना अंगभंग भए । विप्रेषण १२ खर्ब २० अर्ब ५६ करोड भित्रिएको छ । यो रकमले नेपालको कुल ग्राहस्थ उत्पादनमा करिब २३ प्रतिशत योगदान दिएको छ ।

सम्बन्धित न्यूज

Leave a Reply

Your email address will not be published. Required fields are marked *

Back to top button