सुनको मूल्य प्रतितोला एक लाख ४४ हजार रुपैयाँ

पोखरा । नेपाली बजारमा आज बिहीबार सुनको मूल्य एक लाख ४४ हजार रुपैयाँ पुगेको छ । यो मूल्य पछिल्लो दिन अर्थात बुधबार भन्दा प्रतितोला एक हजार आठ सय रूपैयाँ बढी हो ।

मूल्य बढेसँगै आज छापावाल सुन प्रतितोला एक लाख ४४ हजार रूपैयाँ र तेजाबी सुन प्रतितोला एक लाख ४३ हजार तीन सय रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

बुधबार छापावाल सुन प्रतितोला एक लाख ४२ हजार दुई सय रूपैयाँ र तेजाबी सुन प्रतितोला एक लाख ४१ हजार पाँच सय रूपैयाँमा कारोबार भएको थियो ।

यस्तै, आज बिहीबार चाँदीको मूल्य पनि बढेको छ । मूल्य बढेसँगै चाँदी प्रतितोला एक हजार आठ सय ५० रूपैयाँमा किनबेच भइरहेको छ । यो मूल्य बुधबारको तुलनामा प्रतितोला २५ रूपैयाँ बढी हो ।