पोखरामा ठकुरी महिलालाई उद्घोषण तथा नेतृत्व विकास तालिम

पोखरा । पोखरामा ठकुरी महिला परिवारका सदस्यलाई उद्घोषण तथा नेतृत्व विकास तालिम प्रदान गरिएको छ । तालिममा ठकुरी महिला परिवारमा आवद्ध ४० जना महिला सहभागी थिए ।

तालिम उद्घाटन गर्दै पोखरा-१७ की वडाध्यक्ष राधिका शाही योगीले महिलाको क्षमता अभिवृद्धिका लागि जीवन उपयोगी तालिम सञ्चालन गरेको बताइन् ।

तालिमले बोल्ने कला, कार्यक्रम सञ्चालनदेखि नेतृत्व विकासमा सहयोग पुग्ने उनको विश्वास छ ।

प्रशिक्षक एवं सञ्चारकर्मी घनश्याम पाण्डेयले तालिमले आत्मविश्वाससँगै क्षमता अभिवृद्धिमा सहयोग पुग्ने बताए ।

पाण्डेयले हरेक ठाउँमा बोल्ने कला, नेतृत्व विकास, उद्घोषण कला आवश्यक हुने स्पष्ट पारे ।

ठकुरी महिला परिवारका अध्यक्ष सरस्वती हमालले एक दिनको तालिममा पनि आफूहरूले धेरै कुरा सिक्न पाएको भन्दै सिकेका सीप र ज्ञानलाई व्यवहारमा उतार्न आग्रह गरिन् ।

परिवारका अध्यक्ष हमालको अध्यक्षतामा भएको कार्यक्रममा सचिव लक्ष्मी हमाल खाँण ठकुरी, ठकुरी संगम परिवारका अध्यक्ष शेरबहादुर उच्चैलगायतले बोलेका थिए ।