
पोखरा । टी-ट्वान्टी विश्वकप क्रिकेटअन्तर्गत नेपाल र श्रीलंका बीचको खेल रद्द भएको छ ।
खेलमैदानमै रहेका पत्रकार सुवास हुमागाइँले खेल रद्द भएको जनाएको छ ।
लगातार भारी वर्षा भएपछि टस पनि हुन नसकि खेल रद्द भएको हो ।
योसँगै नेपाल र श्रीलंकाले १-१ अंक बाँडेका छन् ।
समूह डीमा दक्षिण अफ्रिका सुरुवाती ३ खेलमा ६ अंकका साथ सुपरएटमा पुगिसकेको छ ।
बंगलादेश र नेदरल्यान्ड्सको समान २ खेलमा १ मा जित र १ मा हारसहित २-२ अंक छ ।
नेटरनरेटका कारण बंगलादेश दोस्रो र नेदरल्यान्ड्स तेस्रो स्थानमा छन् ।
नेपाल २ खेलमा १ अंकका साथ चौथो स्थानमा छन् ।
श्रीलंका ३ खेलमा १ अंकका साथ पुछारमा छ ।
योसँगै श्रीलंका सुपर एटको होडबाट बाहिरिएको छ ।
नेपालले अब दक्षिण अफ्रिकासँग शनिबार र सोमबार बंगलादेशसँग खेल्नेछ ।
समूह डीबाट शीर्ष दुईमा रहँदै सुपरएटमा पुग्न बाँकी दुबै खेल जित्नैपर्ने हुन्छ ।





