विश्वकप क्रिकेट : नेपालले लगातार गुमायो दुई विकेट

पोखरा । टी ट्वान्टी विश्वकपअन्तर्गत आज दक्षिण अफ्रिकाविरुद्धको खेलमा पहिलो विकेट गुमाएको छ ।

नेपालका ओपनर ब्याटस्म्यान कुशल भुर्तेल र दोस्रोमा आएका क्याप्टेन रोहित पौडेल आउट भएका हुन् ।

नेपालले सातौँ ओभरमा ३५ रन बनाएर खेलिरहेको छ । यसअघि दक्षिण अफ्रिकाले २० ओभरमा ७ विकेटको क्षतिमा १ सय १५ रन बनाएर नेपाललाई १ सय १६ रनको चुनौती दिएको थियो ।

ओपनर रिजा हेन्डरिक्सले ४९ बलमा सर्वाधिक ४३ रन बनाए । त्यस्तै ट्रिस्टन स्टुब्सले १८ बलमा अविजित रहँदै २७ रन बनाए ।

नेपालका लागि कुशल भुर्तेलले १९ रन खर्चेर ४ विकेट लिए । त्यस्तै दीपेन्द्र सिंह ऐरीले २१ रन खर्चेर ३ विकेट लिए ।

विश्वकपमा पहिलो पटक खेल्न पाएका सन्दीप लामिछानेले १८ रन खर्चेर कुनै विकेट लिएनन् ।

भुर्तेलले डेभिड मिलरमाथि गरेको एलबीडब्ल्यू आउटको अपील भने अम्पायर कलिङले आउट दिएको थिएन ।

नेपालले पहिलो पटक दक्षिण अफ्रिकासँग खेलिरहेको हो ।