धादिङ समाजका सदस्यले मणिपालमा उपचार गर्दा छुट पाउने

पोखरा । धादिङ-पोखरा सम्पर्क समाजका सदस्य र सदस्यका परिवारले मणिपाल शिक्षण अस्पतालमा उपचार गर्दा छुट पाउने भएका छन् । समाज र अस्पतालबीच आइतबार सम्झौता भएसँगै समाजका सदस्यले छुट पाउने भएका हुन् ।

सम्झौताअनुसार टिकट र चिकित्सकको परामर्श निःशुल्क हुनेछ भने सामान्य बेडमा २५ प्रतिशत छुट पाइनेछ ।

यसैगरी नियमित जाँचमा १५, न्यूरोसर्जरी तथा अतिविशिष्ट सेवाबाहेक शल्यक्रियामा १० र विशेष अनुसन्धानमा १० प्रतिशत छुट प्राप्त हुनेछ ।

सम्झौतामापत्रमा समाजकातर्फबाट अध्यक्ष रामप्रसाद पाण्डे राजु र अस्पतालकातर्फबाट प्रमुख कार्यकारी अधिकृत अनिल ओडूविलले हस्ताक्षर गरेकन छन् ।

उपचारमा छुट पाउनका लागि समाजको परिचयपत्र र निवेदन अनिवार्य हुनुपर्ने सम्झौतापत्रमा उल्लेख छ ।

धादिङ समाजले यसअघि पोखराको मेडिप्लस हस्पिटल तथा ट्रमा सेन्टरसँग पनि यस्तै प्रकारको सम्झौता गरेको थियो ।

सम्झौता गर्दा समाजकातर्फबाट कृष्णकुमार श्रेष्ठ र कृष्णबहादुर लम्साल, अस्पतालकातर्फबाट कृष्णमोहन श्रेष्ठलगायत सहभागी थिए ।