स्याङ्जाका जीत गुरुङ र सचिन प्रधान नेपाल भूपू सैनिक संघ गण्डकीको कार्यसमितिमा मनोनित

पोखरा । स्याङ्जाका जीतबहादुर गुरुङ र सचिन प्रधान नेपाल भूपू सैनिक संघ गण्डकी प्रदेशको कार्यसमितिमा मनोनित भएका छन् ।

संघका केन्द्रीय अध्यक्ष मेघराज टण्डनले आइतबार उनीहरुलाई संघको प्रदेश कार्यसमिति सदस्यमा मनोनित गरेका हुन् ।

संघको विधान २०४७ (संशोधनसहित) को परिच्छेद ११ (झ) बमोजिम जीतबहादुर र सचिनलाई प्रदेश कार्यसमिति सदस्य पदमा मनोनित गरेको अध्यक्ष टण्डनले जानकारी दिए ।

साथै उनले जीतबहादुर र सचिनले संघको विधिविधान अनुशासित ढंगले पालना भई संघ थप गतिशील बन्ने विश्वास व्यक्त गरे ।

संघको गण्डकी प्रदेश कार्यसमितिको नेतृत्व प्रयागराज भण्डारीले गरिरहेका छन् ।

यसैबीच नेपाली कांग्रेस गण्डकी प्रदेश भातृसंस्था समन्वय विभाग प्रमुख तथा कार्यसम्पादन समिति सदस्य अजित क्षेत्रीले जीतबहादुर र सचिनलाई बधाई ज्ञापन गर्दै संघ थप गतिशील बन्ने विश्वास व्यक्त गरेका छन् ।