ग्राण्ड फिनालेको तयारीमा ‘सेफ नेपाल’

पोखरा । नेपालको पहिलो फुड रियालिटी शो ’शेफ नेपाल’को बाँकी भाग आगामी बिहीबारदेखि प्रसारण हुने भएको छ । विभिन्न अप्ठ्याराहरूका कारण रोकिएको बाँकी एपिसोडहरू आगामी बिहीबार, शुक्रबार र शनिबार कान्तिपुर टेलिभिजनमा प्रसारणमा हुने सेफ नेपालले जनाएको छ ।

आउँदो शनिबार सेफ नेपालको एकजना उत्कृष्ट प्रतिस्पर्धि पहिलो फुड रियालिटी शोको पहिलो विजेता छनोट हुने जानकारी एक पत्रकार सम्मेलनबीच सेफ नेपालका परिकल्पनाकार एवं क्रिएटिभ डाइरेक्टर धर्मराज पाण्डेले जानकारी दिए ।

ललितपुर बुङ्मतिमा रहेको नेपालकै अत्याधुनिक इनडोर अम्युजमेन्ट पार्क दि वन्डरल्याण्ड बाँकी एपिसोडका लागि मुख्य प्रायोजकमा जोडिएको छ ।

सेफ नेपाल उत्कृष्ट रियालिटी शो भएकाले मनोरन्जन विधामा हातेमालो गर्न प्रमुख प्रायोजकको रुपमा शोसँग जोडिएको दि वन्डरल्याण्डका मार्केटिङ हेड शिखर बस्नेतले बताए । त्यसैगरी बाँकी एपिसोडमा उद्घोषकको रुपमा लोकप्रिय मिडियाकर्मी रक्षा उप्रेती जोडिएकी छन् ।

कार्यक्रमको जज (निर्णायक)मा मास्टर सेफ सन्तोष शाह, सेफ गणेश ढकाल र भान्से लक्ष्मण भण्डारी छन् । एक सय प्रतियोगी छनोट गरी सुरू भएको शोमा अब उत्कृष्ट ८ प्रतियोगीको प्रतिस्पर्धा हेर्न पाइनेछ ।

खाना संस्कृतिको धनी देश नेपालमा पहिलोपटक फुड रियालिटी सो सञ्चालन हुनु निकै गर्वको कुरा रहेको र यसले नेपाली रेसिपीको प्रवर्द्धनसँगै भान्से पेसालाई अझ गर्विलो बनाएको जजहरूको भनाइ छ ।

धर्म पिक्चर्सको ब्यानरमा निर्माण भएको कार्यक्रमको अब आउने एपिसोडहरू अझ रोमान्चक रहने विश्वास कार्यक्रमका निर्माता एवं धर्म पिक्चर्सका संस्थापक धर्मराज पाण्डेको रहेको छ ।

पछिल्लो एपिसोड निर्माण गर्न कान्तिपुर टिभीको प्राविधिक सहयोगसमेत रहेको छ । कार्यक्रमको फाइनल एपिसोड कान्तिपुर टिभीमा प्रसारण भएसँगै सेफ नेपालको युट्युब च्यानलमा समेत हेर्न सकिनेछ ।

विश्वका विभिन्न कुकिङ प्रतियोगितामा सफल भई नेपालको नाम विश्वभर फैलाएका मास्टर सेफ सन्तोष शाह मास्टर जर्जको भूमिकामा छन् ।

यस्तै, देशका गाउँ बेसी भ्रमण गरी विभिन्न नेपाली खाना र स्वादको अध्ययन एवं प्रवर्द्धन गरिरहेका भान्से लक्ष्मणप्रसाद भण्डारी र थाइ फुडका पारंगत गणेश ढकाल जर्जको भूमिकामा छन् ।

ढकाल रोयल थाई हस्पिटालिटी र वान थाई रेस्टुरेन्टका प्रबन्ध निर्देशकसमेत हुन् । सेफ ढकालले ठिमी भक्तपुरस्थित रोयल थाई हस्पिटालिटीमा सञ्चालन गरिरहेको ब्याङ्क्वेटमा स्टुडियो सेट निर्माण गरी कार्यक्रमको सुटिङ भइरहेको छ ।

सम्बन्धित न्यूज

Leave a Reply

Your email address will not be published. Required fields are marked *

Back to top button