पोखरामै डुबान, ४ जनाको सकुशल उद्धार

पोखरा । अविरल वर्षासँगै पोखरा महानगरपालिका वडा नं. २७ दिपाङ्गतालको असपासको क्षेत्र डुबानमा परेको छ ।

सो डुवानमा फसेका एकै परिवारका ४ जनाको सशस्त्र प्रहरी बल नं. २४ कालिका गण हेडक्वार्टस् कास्कीबाट खटिएको विशेष विपद् उद्धार टोलीले सकुशल उद्धार गरेको छ ।

स्थानीय सत्यराज ढकालको घरमा भाडामा बस्ने एकै घरका ५४ वर्षीय रामबहादुर अधिकारी, ३९ वर्षीया सृजना अधिकारी, ६ वर्षीय आयुश अधिकारी र ४ वर्षीया आयुष्का अधिकारीलाई डुबान क्षेत्रबाट उद्दार गरिएको कालिका गणका गणपति प्रहरी उपरीक्षक (एसपी) अरुणकुमार शर्माले जानकारी दिए ।