युरोकपको फाइनल खेल : स्पेनले गर्‍याे गोल

पोखरा । १७औँ संस्करणको युरोकपको फाइनल खेलमा स्पेनले १ गोल गरेको छ । स्पेनका निको विलियम्सले खेलको ४७औँ मिनेटमा गोल गरेका हुन् ।

खेलमा स्पेन र इङ्ल्यान्ड दुवैले उत्कृष्ट प्रदर्शन गरिरहेका छ । दुवै टोलीले गोल गर्ने कैयौँ प्रयास खेर फाले ।

यस संस्करणको युरोकपमा यी दुवै टोली अपराजित रहँदै फाइनलसम्म पुगेका हुन् । त्यसैले पनि उपाधि भिडन्त निकै रोमाञ्चक हुने अनुमान गरिएको छ ।

प्रतियोगितामा स्पेनले खेलेका ६ वटै खेलमा जित हासिल गर्दै उपाधि नजिक पुगेको हो । यता इङ्ल्यान्डले भने ४ खेलमा जित र २ खेलमा बराबरी खेलेको थियो ।

समूह ‘बी’ मा रहेको स्पेन आफ्नो समूहको विजेता बन्दै नकआउट चरणमा प्रवेश गरेको हो । समूहगत चरणमा स्पेनले ५ गोल गर्यो भने एक गोल पनि खाएन ।

स्पेनले पहिलो खेलमा क्रोएसियालाई ३–०, दोस्रो खेलमा साबिक विजेता इटालीलाई १–० तेस्रो खेलमा अल्बानियालाई १–० गोलले पराजित गरेको थियो ।

यता समूह ‘सी’ को विजेता बन्दै नकआउट चरणमा पुगेको इङ्ल्यान्डले समूहगत चरणका ३ मध्ये १ मा जित र २ मा बराबरी खेलेको थियो । जसमा २ गोल गरेको थियो भने १ गोल खाएको थियो ।

पहिलो खेलमा सर्बियालाई १-० हराएको इङ्ल्यान्डले दोस्रो खेलमा डेनमार्कसँग १–१ र तेस्रो खेलमा स्लोभेनियासँग गोलरहित बराबरी खेलेको थियो ।