काठमाडौँ । पूर्व भूमिसुधार राज्यमन्त्री रामचन्द्र रायको हत्या सहयोगीले नै गरेको खुलेको छ ।
प्रहरीका अनुसार घरमा सहयोगीको रूपमा कार्यरत २१ वर्षीय राम उजेन रायले उनको हत्या गरेको खुलेको हो । प्रहरीसँग आरोपी रायले हत्या गरेको स्वीकार पनि गरेको प्रहरीले जाएको छ ।
पूर्वमन्त्रीले गाली गरेपछि आवेशमा आफूले हत्या गरेको उनले बयान दिएको प्रहरीले जनाएको छ । पोलिग्राफ परीक्षण गर्दा पनि उनले ढाँटेको देखिएको प्रहरीको भनाइ छ ।
घरको काम बिगारेको भन्दै गाली गरेपछि आवेशमा बन्चरोले हिर्काएर हत्या गरेको अनुसन्धानबाट खुलेको थियो ।
यसअघि घरका ३ जना आएको र जग्गाको कुरामा विवाद गरेको आफूले सुनेको भन्ने उनले बयान दिएका थिए ।
पूर्वराज्यमन्त्री राय सर्लाहीको चन्द्रपुर गाउँपालिका–१ रतनपुरस्थित आफ्नै घरमा साउन ७ मा मृत भेटिएका थिए ।
