भुटानमा काभा भलिबल : नेपालद्वारा उज्वेकिस्तान र भुटान सेटमा पराजित

पोखरा । भुटानमा जारी काभा बिच भलिबलमा पुरुषतर्फ नेपालले शुक्रबार लगातार दोस्रो जित हात पारेको छ ।

भुटानको राजधानी थिम्पुमा शुक्रबार बिहान भएको पुरुषतर्फको खेलमा नेपालले उज्वेकिस्तानलाई २-० को सेटमा पराजित गरेको हो ।

नेपालले पहिलो खेलमा भुटान बी टिमलाई सोझो सेटमा पराजित गरेको थियो ।

पुरुषतर्फ पहिलो खेलमा नेपाल माल्दिभ्स ए टिमसँग २-० को सेटमा पराजित भएको हो ।

प्रतियोगिताअन्तर्गत सेमिफाइनल र फाइनल खेल शनिबार हुनेछन् ।

तीन दिन सञ्चालन हुने काभा बिच भलिबलमा पुरुषतर्फ १० र महिलातर्फ ७ टोलीको सहभागिता छ ।

नेपालबाट पुरुष र महिला दुवैमा एक-एक टोली सहभागी छन् ।