बंगलादेशकी प्रधानमन्त्री शेख हसिनाद्वारा राजीनामा, ज्यान जोगाउन भारत प्रस्थान

पोखरा । बंगलादेशकी प्रधानमन्त्री शेख हसिनाले राजीनामा दिएकी छन् । देश तनाव बढ्दै जान थालेपछि उनले पदबाट राजीनामा दिएकी हुन् ।

राजीनामा दिएर उनी हेलिकोप्टरमार्फत भारततर्फ लागेको बताइएको छ ।

प्रदर्शनका क्रममा हजारौँ नागरिक प्रधानमन्त्रीको निवासतर्फ गएपछि उनी सुरक्षित स्थानतर्फ सरेको हुन सक्ने अनुमान गरिएकाे छ ।

प्रदर्शनकारी हाल प्रधानमन्त्री निवासमा प्रवेश गरेको बताइएको छ ।

आरक्षण र कोटा प्रणालीको विरोधमा विद्यार्थीले गरेको आन्दोलन हिंसात्मक बन्दा कम्तीमा ३ सय जनाको मृत्यु भएको बताइको छ ।