पोखरा चेम्बरका सदस्यलाई फिस्टेल ड्रिम पार्कमा छुट

पोखर । पोखरा चेम्बर अफ कमर्स कास्की र पोखरा महानगरपालिका वडा नं. १७ स्थित फिस्टेल ड्रिम पार्कबीच छुटसम्बन्धी सम्झौता भएको छ ।

फिस्टेल ड्रिमपार्कद्वारा आइतबार नवनिर्वाचित पदाधिकारीलाई बधाई ज्ञापन गर्दै सोही अवसरमा पोखरा चेम्बर अफ कमर्स कास्कीबीच छुटसम्बन्धी सम्झौता भएको महासचिव गोकर्ण अधिकारीले जानकारी दिए ।

सम्झौतापत्रमा ड्रिमपार्कको तर्फबाट सञ्चालक कमल बस्नेत र चेम्बरको तर्फबाट नवनिर्वाचित अध्यक्ष उमराज बास्तोलाले हस्ताक्षर गरे ।

सम्झौतापछि चेम्बरका सदस्यले पार्कमा २५ प्रतिशत छुट पाउने भएका छन् ।

पोखरा चेम्बर अफ कमर्स कास्कीको शनिबार सम्पन्न तेस्रो अधिवेशनले उमराज बास्तोलाको नेतृत्वमा नयाँ कार्यसमिति चयन गरेको थियो ।