आज सुनको भाउ तोलामा २३ सय रुपैयाँ घट्यो

पोखरा । आज मंगलबार बजारमा सुनको मूल्य घटेको छ ।

सुनको भाउ आज एकै दिन तोलामा दुई हजार तीन सय रुपैयाँ घटेको हाे । मूल्य घटेसँगै आज छापावाल सुन एक लाख ४७ हजार सात सय रुपैयाँ कायम भएको हो ।

यस्तै तेजाबी सुन तोलामा एक लाख ४७ हजार रुपैयाँ कायम हुँदा चाँदी तोलामा एक हजार ७ सय २५ रुपैयाँ कायम भएको नेपाल सुनचाँदी व्यवसायी महासंघले जनाएको छ ।

सोमबार छापावाला सुन तोलाको एक लाख ५० हजार रुपैयाँमा र चाँदी प्रतितोला एक हजार सात ८५ रुपैयाँमा कारोबार भएको थियो ।