महिला भलिबलमा भारत फाइनलमा

पोखरा । काभा वुमन्स भलिबल नेसन्स लिग प्रतियोगिता २०२४ पहिलो सेमिफाइनल खेलमा श्रीलंकालाई ३-० को सोझो सेटमा हराउँदै भारत फाईनलमा पुगेको छ ।

आज भएको खेलमा भारतले श्रीलंकालाई २५-१५, २५-१६, २५-२३ ले हराएको हो ।

सुरुवाती दुई सेटमा सहज जित हात पारे पनि तेस्रो सेटमा सुरुवातमा श्रीलंकाले १२-८ को अग्रता लिएपछि भारतलाई केही कठिन परेको थियो । तर त्यो अग्रता धेरै समय जोगाउन सकेन ।

भारतले लगातार चार अंक बटुल्दै १२-१२ बराबरी गरेको थियो ।

निरन्तर प्रतिस्पर्धा भएको तेस्रो सेट अन्त्यमा भारतले २५-२३ ले जित्यो ।

दोस्रो सेमिफाइनल खेल आज ५ः१५ मा नेपाल र इरानबिच प्रतिस्पर्धा हुँदैछ ।