लायन्स अन्तर्राष्ट्रिय डिष्ट्रक्ट ३२५ जे नेपालको पहिलो क्याबिनेट बैठक पोखरामा

पोखरा । लायन्स अन्तर्राष्ट्रिय डिष्ट्रक्ट ३२५ जे नेपालको लायन वर्ष २०२४/२५ को डिष्ट्रिक्ट पदाधिकरी पदस्थापन तथा पहिलो क्याबिनेट बैठक पोखरामा हुने भएको छ ।

लायन्स क्लब अफ पोखरा पिस भ्यालीद्वारा आयोजित बैठक भदौ १ गते शनिबार पोखरास्थित पोखरा इभेण्ट सेन्टरमा हुनेछ ।

डिष्ट्रिक्ट गभर्नर मीलन थापाको आह्वनमा हुने कार्यक्रम भव्य र ऐतिहासिक बनाउन लायन्स क्लब अफ पोखरा पिस भ्यालीका पूर्वअध्यक्ष रामकृष्ण पौडेलको नेतृत्वमा विभिन्न उपसमिति बनाइएको छ ।

कार्यक्रमलाई फरक बनाउन यो पटक केही व्यावसायिक स्टल पनि राखिने भएको छ ।

क्लबका सस्थापक अध्यक्ष सुदीप ओझाका अनुसार कार्यक्रम भव्य बनाउन इलाइट मोटर्स, ब्रिटिश कलेज, रिलाइन्स फाइनान्स तथा अल्फा हेल्थ एण्ड ब्यूटीका साथै अन्य धेरै संस्थाको साथ र सहयोग रहने छ ।

बैठकमा देशभरबाट करिब एक हजार दुई सय सदस्य पोखरा आउने क्लबका निवर्तमान अध्यक्ष तथा जोन २५ का जोन चेयरपर्सन श्रीकृष्ण न्यौपाने जानकारी दिए ।

पोखराको आन्तरिक पर्यटन प्रवर्द्धनका लागि पनि बैठक महत्वपूर्ण हुने आयोजकको विश्वास छ ।