पोखराको अल्फा एकेडेमीमा हाजिरीजवाफ प्रतियोगिता

पोखरा । पोखरा महानगरपालिका वडा नं. २६ स्थित अल्फा एकेडेमीमा हाजिरीजवाफ प्रतियोगितामा सम्पन्न भएको छ ।

कक्षा ४-७ सम्ममा सञ्चालित अन्तरसदनात्मक प्रतियोगितामा हरियो सदन प्रथम भएको छ ।

हरियो सदनका तर्फबाट अर्पण भण्डारी, सम्पन्न चापागाईँ, सुप्रिन्सा बन्जारा र सुशान्त भुजेल सहभागी थिए । प्रतियोगितामा हरियोसहित चार टीमले प्रतिस्पर्धा गरेको थियो ।

विजयी विद्यार्थीलाई विद्यालयको विशेष कार्यक्रममा पुरस्कृत गरिने विद्यालयका अतिरिक्त क्रियाकलाप संयोजक राजु सुनारले जानकारी दिए ।

विद्यालयकी शिक्षिका शकुन्तला लम्सालले कार्यक्रम सञ्चालन गरेकी थिइन् ।