घरको छतमा खेल्ने क्रममा करेन्ट लागेर ६ वर्षीय बालकको मृत्यु

रौतहट । रौतहटमा शुक्रबार करेन्ट लागेर एक बालकको मृत्यु भएको छ ।

मृत्यु हुनेमा ईशनाथ नगरपालिका वडा नं. ४ मठिया टोलका ६ वर्षीय महमद सुलतान रहेका छन् ।

आफ्नै घरको छतमा खेल्ने क्रममा विद्युतीय तारमा छुन गई करेन्ट लागेर उनी गम्भीर घाइते भएका थिए ।

उनको प्रादेशिक अस्पताल गौरमा उपचारको क्रममा मृत्यु भएको प्रहरीले जानकारी दिएको छ ।

यस सम्बन्धमा प्रहरीले आवश्यक अनुसन्धान गरिरहेको छ ।