पोखराको नदीपुरमा क्लब स्तरीय भलिबल प्रतियोगिता हुने

पोखरा । युवामा रहेको अन्तरनिहीत प्रतिभा प्रस्फुटन गर्ने उद्देश्यका साथ पोखरा महानगरपालिका वडा नं. ३ नदीपुरमा खुला क्लब स्तरीय पुरुष भलिबल प्रतियोगिता हुने भएको छ ।

फोर बदर्श पोखरा र लभर्स ट्रि रेष्टुरेन्ट पोखराद्वारा संयुक्त रुपमा आयोजित प्रतियोगिता भदौ ४ र ५ गते हुने संयोजक समीत गुरुङले जानकारी दिए ।

उनका अनुसार प्रतियोगिता विजेताले ६० हजार, उपविजेताले ३५ हजार नगद, शिल्ड, मेडल र प्रमाणपत्र प्राप्त गर्नेछन् ।

यस्तै, सर्वोत्कृष्ट खेलाडीले तीन हजार रुपैयाँ पुरस्कार प्राप्त गर्नेछन् । प्रतियोगितामा एक टिमलाई चार हजार रुपैयाँ शुल्क कायम गरिएको आयोजकले जनाएको छ ।

प्रतियोगिता नदीपुरस्थित इलाइट भलिबल एकेडेमीको कोर्टमा हुने खेलकुद संयोजक मिलन रोका मगरले जानकारी दिए ।

उनका अनुसार प्रतियोगितामा सहभागी हुने टिमले राष्ट्रिय, प्रदेश र क्षेत्रीय भलिबल प्रतियोगिता खेलेका खेलाडी एक जना मात्र समावेश गर्न पाउनेछन् ।