स्याङ्जाको चापाकोटमा ट्याक्टर दुर्घटना, चालकको मृत्यु

पोखरा । स्याङ्जामा आइतबार साँझ ट्याक्टर दुर्घटना हुँदा चालकको ज्यान गएको छ ।

मृत्यु हुनेमा पाल्पा रामपुर नगरपालिका वडा नं. ४ देवीस्थान घर भई हाल चापाकोट नगरपालिका वडा नं.१० बोटेटारमा बस्दै आएका २८ वर्षीय महेन्द्र दमाई छन् ।

चापाकोट नगरपालिका वडा नं. १० बायोडाँडास्थित भित्रि सडकखण्डमा बारीकुनाबाट माटो लिई चापाकोटतर्फ आउँदै गरेको लु४त २२१ नम्बरको ट्याक्टर सडकको भित्तामा ठोक्किएर दुर्घटना भएको हो ।

प्रहरी निरीक्षक उमेशलाल श्रेष्ठका अनुसार दुर्घटनामा चालक गम्भीर घाइते भएका थिए । उनको चापाकोट अस्पतालमा उपचारको क्रममा ज्यान गएको हो ।