पोखरा आउँदै गरेको हाइस दुर्घटना : पोखराका केसीसहित सात घाइते, शेखर कोइराला पक्राउ

पोखरा । पाल्पाको बुटवलबाट पोखरा आउँदै गरेको हाइस गाडी सिद्धार्थ राजमार्गमा दुर्घटनामा परेको छ । सो दुर्घटनामा सात जना घाइते भएको जिल्ला प्रहरी कार्यालय पाल्पाले जनाएको छ ।

घाइते हुनेमा पोखरा महानगरपालिका वडा नं. २२ का ५० वर्षीय रमेश केसी, स्याङ्जा भिरकोट नगरपालिका-९ का ५४ वर्षीय तारापति रेग्मी, पाल्पाको तानसेन नगरपालिका-१० की ३० वर्षीय लक्ष्मी कार्की, नवलपरासी पश्चिम रासवल गाउँपालिका-७ का ३० वर्षीय राजेश गुप्ता, सोही ठाउँमा २५ वर्षीय रामु सहानी, २२ वर्षीय मेराज मन्चुरी, २९ वर्षीय दीपेन्द्रकुमार कुसवाह छन् ।

उनीहरुको लुम्बिनी मेडिकल कलेजमा उपचार भइरहेको जिल्ला प्रहरी कार्यालय पाल्पाका प्रहरी निरीक्षक सन्दिप बेल्वासेले जानकारी दिए ।

सोमबार दिउँसो ग२ख १२२५ नम्बरको हाइस अनियन्त्रित पाल्पाको तिनाउ गाउँपालिका वडा नं. ५ जोरधारास्थित सिद्धार्थ राजमार्गमा पल्टिएको प्रहरीले जनाएको छ ।

चालक स्याङ्जा वालिङ नगरपालिका ६ का ३७ वर्षीय शेखर कोइरालालाई नियन्त्रणमा लिएको प्रहरीले जनाएको छ ।