विद्यालयमा पढाउन जाँदै गरेकी सावित्रादेवीको पहिरोमा पुरिएर मृत्यु

खोटाङ । खोटाङमा आज बिहान पहिरोमा पुरिएर एक जनाको मृत्यु भएको छ ।

मृत्यु हुनेमा खोटाङको रावा बेसी गाउँपालिका वडा नं. ३ की ६० वर्षीया सावित्रादेवी नेवार रहेकी छन् ।

जिल्ला प्रहरी कार्यालय खोटाङका अनुसार सावित्रादेवी विश्वज्योती उच्च माध्यमिक विद्यालयकी शिक्षिका हुन् ।

उनी विद्यालय जाँदै गर्दा वडा कार्यालय नजिकै गएको पहिरोमा पुरिएर घटनास्थलमै मृत्यु भएको प्रहरीले जनाएको छ ।

उनको शव पोष्टमार्टमका लागि जिल्ला अस्पतालमा लगिएको छ ।