एमाले पोखरा-७ ले तीजमा दर खुवाउने

पोखरा । नेपाल कम्युनिष्ट पार्टी (एमाले) पोखरा महानगरपालिका वडा नं. ७ को वडा कमिटीको बैठक बिहीबार सम्पन्न भएको छ ।

बैठकले हिन्दू नेपाली महिलाको महान पर्व तीजमा दिदीबहिनीलाई दर खुवाउने निर्णय गरेको वडाध्यक्ष किशोर बरालले जानकारी दिए । कार्यक्रम भदौ १६ गते हुनेछ ।

साथै बैठकले पार्टीको केन्द्रीय कमिटीको निर्देशन बमोजिम साउन मसान्त भित्रमा कुल सदस्यको अध्यावधिक गराउने निर्णय गरेको छ ।

बैठकमा पार्टीको विभिन्न तहमा निर्वाचित र मनोनित सदस्यलाई बधाई ज्ञापन गरेको अध्यक्ष बरालले बताए ।

बैठक पार्टीका वडा कमिटी अध्यक्ष बरालको अध्यक्षतामा बसेको थियो ।