मोटरसाइकलको ठक्करबाट पार्वती चौधरीको मृत्यु, चालक गम्भीर

कैलाली । कैलालीमा मोटरसाइकलको ठक्करबाट एक जना पैदलयात्रीको मृत्यु भएको छ । मृत्यु हुनेमा कैलारी गाउँपालिका वडा नं. २ की ५५ वर्षीया पार्वती चौधरी रहेकी छन् ।

कैलारी गाउँपालिका-५ बैजपुर नजिक हुलाकी सडकमा से६प ३३३१ नम्बरको मोटरसाइकलको ठक्करबाट पदैलयात्रा रहेकी चौधरी गम्भीर घाइते भएकी थिइन् ।

उनको सेती प्रादेशिक अस्पताल हुँदै निसर्ग अस्पताल धनगढीमा उपचारको क्रममा मृत्यु भएको प्रहरीले जानकारी दिएको ।

दुर्घटनामा घाइते भएका मोटरसाइकल चालकको सेती प्रादेशिक अस्पताल धनगढीमा उपचार भइरहेको छ ।