मन्दिर दर्शन गरी फर्किने क्रममा चट्याङ लागेर बुढाको मृत्यु

जुम्ला । जुम्लामा शुक्रबार चट्याङ लागेर एक जनाको मृत्यु भएको छ ।

मृत्यु हुनेमा चन्दननाथ नगरपालिका वडा नं.२ का ४० वर्षीय धनसुर बुढाको चट्याङ लागेर शुक्रबार दिउँसो मृत्यु भएको हो ।

मुगु छायानाथ नगरपालिका-१० स्थित ऋणमोक्ष मन्दिर दर्शन गरी घर फर्कने क्रममा जुम्ला पातारासी गाउँपालिका-४ भेरीनाकी पाटनस्थितमा चट्याङ लागेर धनसुरको घटनास्थलमै मृत्यु भएको जिल्ला प्रहरी कार्यालय जुम्लाले जनाएको छ ।