करेन्ट लागेर आरिफ शेखको मृत्यु

महोत्तरी । महोत्तरीमा शुक्रबार राति करेन्ट लागेर एक जनाको मृत्यु भएको छ ।

मृत्यु हुनेमा लोहारपट्टी नगरपालिका वडा नं. ५ का २४ वर्षीय आरिफ शेख रहेका छन् ।

बलबा नगरपालिका वडा नं. ११ रौजा बस्दै आएका शेखको साउन्ड सिस्टममा काम गर्ने क्रममा करेन्ट लागेर गम्भीर घाइते भएका थिए ।

उनको प्रादेशिक अस्पताल जनकपुरमा उपचारको क्रममा मृत्यु भएको जिल्ला प्रहरी कार्यालय महोत्तरीले जनाएको छ ।