रुसमा आज बिहानै शक्तिशाली भूकम्प, भूकम्प गएसँगै ज्वालामुखी विस्फोट

रुस । रुसमा आज बिहानै शक्तिशाली भूकम्प गएको छ । भूकम्प गएसँगै ज्वालामुखी विस्फोट भएको छ ।

पूर्वी तट नजिकै ज्वालामुखी विस्फोट भएको रुसी सञ्चारमाध्यमको खबर उदृत गर्दै सिएनएनले जनाएको छ ।

भूकम्पको तीव्रता ७ म्याग्निच्युड रहेको बताइएको छ ।

सिभेलुच नामक गरेको उक्त ज्वालामुखी पेट्रोपाभ्लोभ्सक-कामचाट्स्कीभन्दा दुई सय ८० माइल टाढा रहेको सिएनएनले उल्लेख गरेको छ ।

ज्वालामुखी विस्फोटपछि खरानी आठ किलोमिटरमाथिसम्म पुगेको थियो ।

ज्वालामुखी विस्फोटपछि लाभा पनि निस्किएको छ ।

भूकम्पको केन्द्रविन्दु पेट्रोपाभ्लोभ्सक-कामचाट्स्कीभन्दा ५५ माइल टाढा रहेको बताइएको छ ।