अण्डाको मूल्य घट्यो, कति पर्छ अब ?

पोखरा । लगातार वृद्धि भएको अण्डाको मूल्य अब केही घट्ने भएको छ ।

सोमबारदेखि नयाँ मूल्य लागू हुने गरी प्रतिक्रेटमा २५ देखि ७५ रुपैयाँसम्म मूल्य घटाइएको नेपाल लेयर्स कुखुरापालक संघले जनाएको छ ।

यसअघि एक्सएल साइजको अन्डाको मूल्य प्रतिक्रेट पाँच सय ३० रुपैयाँ थियो । मूल्य घटाइएसँगै अब पाँच सय रुपैयाँ पर्ने भएको छ ।

यस्तै पाँच सय १० रुपैयाँ पर्ने ठूलो अण्डाको मूल्य अब चार सय ८५ रुपैयाँ र मिडियम अण्डाको मूल्य चार सय ९० रुपैयाँबाट घटाएर चार सय १४ रुपैयाँ तोकिएको संघका सचिव मदन पोखरेलले जानकारी दिए ।

पोखरेलका अनुसार अण्डा उत्पादक किसानले उत्पादन लागत, माग र आपूर्तिका आधारमा मूल्य निर्धारण गरिएको हो ।

अण्डाको खुद्रा मूल्य भने प्रतिगोटा २० रुपैयाँ नै पर्नेछ ।