आज बिहानै मोटरसाइकल दुर्घटना, लमजुङ निवासी प्रहरी वरिष्ठ हवल्दार हेमन्तको मृत्यु

चितवन । चितवनमा आज बिहानै सवारी दुर्घटना हुँदा एक जनाको मृत्यु भएको छ ।

मृत्यु हुनेमा इलाका प्रहरी कार्यालय मनहरीमा कार्यरत प्रहरी वरिष्ठ हवल्दार लमजुङ राइनस नगरपालिका वडा नं. ६ धमिलीकुवाका ४३ वर्षीय हेमन्तकुमार श्रेष्ठ रहेका छन् ।

मनहरीबाट खोलेसिमलतर्फ जाँदै गरेको बागती प्रदेश०३-००३प ६३७ नम्बरको मोटरसाइकल खैरहनी-८ स्थित पूर्वपश्चिम राजमार्गमा दुर्घटनामा परेको थियो ।

दुर्घटनामा गम्भीर घाइते भएका श्रेष्ठको चितवन मेडिकल कलेज भरतपुरमा उपचारका क्रममा मृत्यु भएको जिल्ला प्रहरी कार्यालयका प्रवक्ता भेषराज रिजालले जानकारी दिए ।