आज संस्कृत दिवस मनाइँदै

पोखरा । संस्कृत भाषामा रचना भएका ग्रन्थमा रहेका ज्ञान प्रसारमा सहयोग पुर्‍याउने उद्देश्यले आज संस्कृत दिवस मनाइँदै छ ।

नेपालमा २०७५ सालदेखि जरो किलो प्रतिष्ठान नेपालले प्रत्येक वर्ष श्रावणशुक्ल पूर्णिमाका दिन संस्कृत दिवस मनाउन थालेको हो ।

संस्कृत भाषाको सम्वर्द्धन तथा प्रवर्द्धनका लागि विश्व संस्कृत दिवस मनाउन थापिलएको थियो ।

जनै पूर्णिमा, ऋषितर्पणी तथा रक्षाबन्धनको अवसर पारेर यो दिवस मनाउन थालिएको हो ।

प्राचीनतम् भाषा संस्कृतको विश्वमै उपयोगिता र महत्व बढ्दै गए पनि यसको उदगमस्थल नेपालमा भने चासो कम हुन थालेकाले दिवस मनाउने गरिएको प्रतिष्ठानले जनाएको छ ।