सुनको मूल्य अहिलेसम्मकै उच्च, कतिमा हुँदैछ कारोबार ?

पोखरा । नेपाली बजारमा सुन-चाँदीको मूल्य बढेको छ ।

बुधबार सुन तोलामा आठ सय रुपैयाँले बढेर एक लाख ५३ हजारमा कारोबार भएको नेपाल सुनचाँदी व्यवसायी महासंघले जनाएको छ ।

यो अहिलेसम्मकै उच्च कारोबार हो । सुनको मूल्यले गत भदौ २ गतेको उच्च मूल्यको रेकर्ड तोडेको हो । भदौ २ गते एक लाख ५२ हजार छ सय रुपैयाँमा कारोबार भएको थियो ।

यसअघि मंगलबार सुनको मूल्य एक लाख ५२ हजार दुई सय रहेको थियो ।

त्यस्तै बुधबार चाँदीको मूल्य प्रतितोला २५ ले बढेर एक हजार आठ सय ३५ मा कारोबार भइरहेको महासंघले जनाएको छ ।