आज नेपाल र बंगलादेश भिड्दै

पोखरा । एक खेल अगावै सेमिफाइनलमा पुगिसकेको नेपालले आज बंगलादेशको सामना गर्दैछ ।

साफ यू-२० च्याम्पियनसिपअन्तर्गत आफ्नो दोस्रो खेलमा आज नेपालले बंगलादेशको सामना गर्ने भएको हो ।

खेल ललितपुर सातदोबाटोस्थित एन्फा कम्प्लेक्समा आज दिउँसो ३ बजेदेखि सुरू हुनेछ ।

नेपालको यो दोस्रो खेल हो । पहिलो खेलमा नेपालले श्रीलंकलाई पराजित गरेको थियो ।

आजको खेल जितेमा नेपाल समूह विजेता बन्नेछ ।

बंगलादेश पनि श्रीलंकालाई पराजित गरेर यसअघि नै सेमिफाइनलमा पुगिसकेको छ ।

समूह ‘बी’ मा भारत, माल्दिभ्स र भुटान छन् । भारत र भुटानले एक/एक खेल जितेका छन् ।

शुक्रबार भारत र माल्दिभ्सबीचको खेलपछि सेमिफाइनल समीकरण पूरा हुनेछ ।

प्रतियोगिताको सेमिफाइनल खेल आइतबार र सोमबार तथा फाइनल खेल बुधबार हुनेछ ।