पोउवासंघको अध्यक्षमा गोकर्ण कार्कीद्वारा उम्मेद्वारी घोषणा

पोखरा । पोखरा उद्योग वाणिज्य संघको भावी अध्यक्ष पदका लागि वरिष्ठ उपाध्यक्ष गोकर्ण कार्कीले उम्मेद्वारी दिने घोषणा गरेका छन् ।

कार्कीले कसैलाई पाखा, कसैलाई काखा नगर्ने र आम व्यवसायी आफ्नो शक्ति रहेको भन्दै प्यानल नबनाएको जिकिर गरे ।

आफू व्यवसायीसँग चिरपरिचित रहेको र इमानदारीपूर्वक काम गरेको भन्दै उनले प्राकृतिक न्यायको सिद्धान्तबमोजिम वरिष्ठ उपाध्यक्षबाट अध्यक्षमा दाबी गरेको प्रस्ट पारे ।

उनले सहकार्यका लागि सबै ढोका खुलै राखेको बताए । संघको ७०औँ अधिवेशन तथा ३५औँ महाधिवेशन यही भदौ २८ र २९ मा हुँदैछ ।